Koi rooh ਕੋਈ ਰੂਹ

 ਅੱਗ ਵਾਲ਼ ਦਿੰਦੀ ਏ

ਕੋਈ ਕਹਾਣੀ ਐਸੀ

ਜਦ ਕਾਇਨਾਤ ਲਿਖੇ,

ਇੱਕ ਗੋਲੇ ਦੀ ਧਰਤ ਉੱਤੇ

ਆਦਮ ਜਾਤ ਜਿਹੀ

ਆਮ ਪੈਦਾ ਹੋਈ ਏ,

ਰਿਹੱਸ ਕੁਦਰਤ

ਹੌਲੀ- ਹੌਲੀ ਆਪੇ

ਰਚਦੀ ਤੇ ਭਰਮਾਉਦੀ ਏ,

ਪਤਾ ਹੈ ਕਿ

ਜੋਤ ਦੀ ਲਾਟ

ਵਲ਼ਦੀ - ਵਲ਼ਦੀ

ਜੰਗਲ ਜਲਾ ਸੁੱਟੇਗੀ,

ਦੀਵੇ ਦੀ ਬੁੱਕਲ ਵਿੱਚ

ਜੋਤ ਦਿਸ਼ਾ ਵੱਲ ਤੁਰੇ,

ਕਿੱਥੇ ਜੱਗਣਾ ਹੈ,

ਕਿੱਥੇ ਮੱਧਮ ਪੈ ਕੇ

ਰਾਤ ਨੂੰ ਚਾਨਣ ਦੀਆਂ

ਰਿਸ਼ਮਾਂ 'ਚ ਲਿਪਟਣ

ਦੇਣਾ ਹੈ,

ਲਾਟ ਨੂੰ ਲਾਟ ਆਪੇ

ਵਾਲ਼ ਸੁੱਟੇਗੀ,

ਕਦੇ ਉਹ ਲਾਟ ਦੀਵੇ ਵਿੱਚ

ਸਜ਼ਾ ਕੇ ਖੂਬਸੂਰਤ ਹੋਣ ਦਾ

ਅਹਿਸਾਸ ਕਰਾਏਗੀ,

ਪਤਾ ਵੀ ਨਹੀਂ

ਕਦੋਂ ਮੇਰੀਆਂ ਅੱਖਾਂ ਵਿੱਚ

ਵਲਦੀ ਲਾਟ ਤੋਂ ਰੂਹ

ਨਿਕਲ ਜਾਵੇਗੀ?

ਪਾਪੀ ਸੀ ਕਿ ਪਵਿੱਤਰ

ਕਿਹੜੀ ਲਾਟ

ਕਿਸ ਨਾਲ ਮਿਲ

ਰੂਹ ਦੀ ਸੁਲਾਹ ਸਲਾਹ

ਨਜਿੱਠ ਲਾਟ ਬੁਝਾ ਦੇਵੇਗੀ?

ਸੁਗਮ ਬਡਿਆਲ