ਨਿਮਾਣੀ ਜਿੰਦ ਚਾਰ ਦਿਨ ਤੱਕ,
ਚਲੀ ਜਾਵੇਗੀ ਪੰਜਵੇਂ ਦਿਨ
ਪੰਜ ਤੱਤਾਂ ਦੀ ਭੇਟ ਹੋ ਕੇ,
ਗਰੂਰ ਮਿੱਟੀ 'ਚ ਰਹਿ ਜਾਣਗੇ
ਗੁੱਸਾ ਤੇਰਾ ਪਾਣੀਆਂ 'ਚ ਵਹਿ ਕੇ
ਪਾਣੀ ਬਣ ਜਾਉਗਾ,
ਹਵਾ ਨਾਲ ਗੱਲ ਕਰਦੀ, ਬਸ!
ਯਾਦਾਂ ਰਹਿ ਜਾਣਗੀਆਂ,
ਕਾਇਨਾਤ ਕੀ ਹੈ?
ਤੇਰੇ ਜਿਸਮ ਹੀ ਤਾਂ ਹੈ
ਮਿੱਟੀ ਦੀ ਢੇਰੀਆਂ ਹੋਇਆ,
ਬਣਦਾ, ਢੇਂਹਦਾ ਰਹੇੁਗਾ,
ਆਸਮਾ ਦੇ ਤਾਰਿਆਂ ਦੀ ਗਿਣਤੀ
ਕੋਈ ਨਾ! ਰੱਬ ਕਿਸੇ ਹੋਰ ਦੇ
ਜੁੰਮੇ ਲਾ ਦਉਗਾ,
ਨਿਮਾਣਾ ਬਣਾ ਕੇ ਰਹੀਂ
ਨਹੀਂ ਤਾਂ ਸਾਹ ਕਿਸੇ ਹੋਰ ਨੂੰ
ਥਮ੍ਹਾ ਦਉਗਾ,
- ਸੁਗਮ ਬਡਿਆਲ
No comments:
Post a Comment